كانت الوصلة الثانية من حفل أقيم بتاريخ ١٠ يونيو ١٩٧١ على مسرح سينما قصر النيل في القاهرة … الأغنية من كلمات أحمد شفيق كامل وألحان بليغ حمدي – الصور من نفس الحفل ، وسبب حضور الموسيقار محمد عبدالوهاب هنا هو أن السيدة أم كلثوم قدّمت أغنية أغدا ألقاك في الوصلة الأولى من هذا الحفل وهي من ألحانه وحضر كعادته ليطمئن على جميع الامور
* بها أخطاء لطيفة وتفاريد في المقطع الأخير – مذيع الحفل عبد العال هنيدي
الحب كله حبيته فيك الحب كله
و زماني كله انا عشته ليك زماني كله
حبيبي قول للدنيا معايا ولكل قلب بدقته حس
يا دنيا حبي و حبي و حبي
ده العمر هو الحب و بس
و اسقيني و املا و اسقيني تاني
م الحب منك من نور زماني
اسقيني ياللي من يوم ماشفتك
حسيت كأني اتخلقت تاني
روح قلبي يا حياة ايامي يا روح قلبي
يا حبيبي يا ملاك احلامي يا روح قلبي
انا كنت ايه قبل ماشوفك انا كنت ايه
و كنت عايش يا حبيبي ايامي ليه
طريق حياتي مشيته قبلك في ليل طويل
لا قلب جنبي يحس بيا ولا طيف جميل
و لما شفتك اول ماشفتك
بكل شوق الدنيا لقيتني مشدود اليك
و بكل حب الدنيا نديتك و جريت عليك
ناديت على الدنيا بحالها ولكل قلب بدقته حس
يا دنيا حبي و حبي و حبي
ده العمر هو الحب و بس
و اسقيني و املا و اسقيني تاني
م الحب منك من نور زماني
اسقيني ياللي من يوم ماشفتك
حسيت كأني اتخلقت تاني
الهوا العطشان فى قلبي بيندهك
يا ارق من النسمة و اجمل من الملك
انت روحي و كل عمري و نور حياتي
يا حياتي انا ايه بالنسبة لك
حبيبي ده انا مخلوق علشانك
يادوب عشانك عشانك انت
و قلبي عاش على لمس حنانك
يادوب حنانك حنانك انت
حلوة حلوة الايام حلوة الاحلام حلوة
حلوة حياتي حلوة حلوة يا سلام حلوة
حلوة بتمر قوام حلوة ويا حياتي
يا زمان يا زمان يا ليالي طويلة
احلامها جميلة معاك
يا زمان يا ليالي بتجري بتطوي آمال وتفوتها رماد
فيها لو تنسى اتنين اتنين فى الحب
اتنين فى الحب اتنين للحب
دايبين عايشين
عايشين نقول للدنيا بحالها
ولكل قلب بدقته حس
يا دنيا حبي و حبي و حبي
ده العمر هو الحب و بس
و اسقيني و املا و اسقيني تاني
م الحب منك من نور زماني
اسقيني ياللي من يوم ماشفتك
حسيت كأني اتخلقت تاني
يا حبيبي يا عبير الشوق يا حبيبي
يا نصيبي من ليالى الشوق يا حبيبي
شعر ايه ده الكلام اللي فى عينيك؟
خلى أحلى كلام يغير
عطر ايه ده العبير اللي في ايديك؟
بيقول ايديك هي العبير
من الربيع اللي في شفايفك
للليالي اللي في عينيك
من اللهيب اللي في خدودك
للحنان اللي في ايديك
رحلة تاهت روحي فيها و تهت فيها
خبيني من الزمان خبيني
و بعيد عن عيونه داريني
على الفرحة الكبيرة يا خوفي
لا ياخدها ولا يخليني
حبيبي قول للدنيا معايا و لكل قلب بدقته حس
يا دنيا حبي و حبي و حبي
ده العمر هو الحب و بس
و اسقيني و املا و اسقيني تاني
م الحب منك من نور زماني
اسقيني ياللي من يوم ماشفتك
حسيت كأني اتخلقت تاني
